هو أنا ممكن أكون مبسوط !!؟؟
أقدر يعني ........!!!؟؟
وبرغم إن اغلب اللي حوالينا ميشجعش علي كده أصلاً والإحباط والملل والخنقة زادوا بشكل غير طبيعي فقررت أن
زي ما أنا من حقي كإنسان أفكر وأعمل وأكئب علي نفسي واللي حواليا وأصدر إحباط أغلبنا بيعمل كده فأظن إنه
كمان من حقي أكون مبسوط
ولذلك نطبق نظرية كتكوت أبو الليل مدام كده ميت وكده ميت يبقي هخاف من إيه !!!؟؟
ومدام كده كأبه ولو معنديش اللي حواليا هيصدروا لي كأبتهم يبقي أقرر أني أكون مبسوط
ومبسوط بقي علي أي حاجة ولأي حاجة دايماً أخلق لنفسي الحاجات اللي ممكن تحسسني بسعاده ممكن أكل
مصاصة في وسط الشارع وأنا شحط كده عادي :) وممكن أسمع موسيقي بحبها .... أشوف فيلم .... ولو حتي أغيظ
في أختي أو أخويا الصغير بمجرد إني أكون سعيد
فلنجعل الإنشكاح طريقاً لنا ولو مرة في الأسبوع ولو إتخنقت أو وحشتك الكأبة فمتقلقش هي موجوده كل ما عليك
تابع توك شو أو إقرا جرايد أو تابع تصريحات
إنشكحوا يرحمكم الله